Afgreiðsla sjóðsins er á skrifstofu VM, Stórhöfða 25, 110 Reykjavík.
Fyrirspurnir berist til Valdísar Þóru Gunnarsdóttur, valdis@vm.is.

Meginverkefni sjóðsins er að:

• Greiða dagpeninga vegna launataps sjóðfélaga í veikinda- og slysafjarveru.
• Greiða dagpeninga vegna launataps við umönnun veikra barna eða maka.
• Greiða dánarbætur og útfararstyrk vegna andláts sjóðfélaga.
• Styrkja sjóðfélaga vegna endurhæfingar, forvarna, tækjakaupa o.fl.

Sjóðfélagar

Samkvæmt reglugerð Styrktar- og sjúkrasjóðs VM eru sjóðfélagar þeir sem hafa greitt og verið er að greiða fyrir fullnægjandi iðgjöld til sjóðsins þegar réttur til aðstoðar myndast.

Sjóðfélagar í fæðingarorlofi

Sjóðfélagi sem fer í lögbundið fæðingarorlof eða á atvinnuleysisbætur, heldur á meðan réttindum til styrkja og bóta enda hafi viðkomandi ákveðið að viðhalda rétti sínum með greiðslu félagsgjalds.

Sjóðfélagar á atvinnuleysisbótum

Missi sjóðfélagi atvinnuleysisbætur vegna veikinda á hann rétt á bótum sem nema sömu fjárhæð og atvinnuleysisbæturnar numu yfir sama tímabil.

Eldriborgarar og öryrkjar

Þeir sem greitt hafa til sjóðsins í a.m.k. 60 mánuði og hætta störfum vegna aldurs eða örorku eiga rétt til styrkja í 12 mánuði frá síðustu iðgjaldagreiðslu.

Umsóknir þurfa að berast sjóðnum fyrir 20. hvers mánaðar til að greiðsla berist þann 1. næsta mánaðar.